今日同老媽子飲下午茶,雖然要等好耐位,都要成40分鐘,但我覺得都好值得.........

首先當然是這種偷得浮生既日子唔係成日都有.....甚至係可一不可再........

二來,自從自己都有左家庭之後,其實可見到老媽子既時間其實唔係好多,就算有時返屋企食.....都係食完就走,都無咩時間可以同佢傾下計....

話時話,其實結婚後既我與家人既關係好左好多....當然因為兄弟姊妹大家都長大了,加上又冇一齊往,磨擦更會少好多la!唔通仲爭電話用(用手提電話la),爭睇無線同亞視咩!!(兩個台都無野睇!)總之係又爭唔係又爭,有時都覺得幾煩幾嘈,但係就為家庭帶來好多歡樂,同埋好warm既感覺!我唸lee一代既細路好難明,亦無法領略到ga!因為d屋企裏邊,得一個細路,唔通叫亞賓賓同你爭咩,唔怕比亞事頭炒咩!