6月15日(星期五), 對很多人來說是一個普通不過的日子, 但對本人來說, 是一個特別的日子!
為什麼這說呢?由於本人的工作不能隨便於平日放假, 而15/6卻是本年度難得的平日假, 故此早於今年既一月, 已經計劃一家三口, 今日去迪迪尼酒店來過兩日一夜之旅!由於嚮復活節假期已外遊, 加上老公已用了很多假來陪亞仔睇e生, 又加上這星期d天氣都很差, 故此迪迪尼之旅, 本人已放棄了九成!
14/6下午, 仍然想著15如何訓到日上三竿,然後同老媽子來過下午荼, 同亞仔玩樂一番.....優優閒閒的過...
直至14/6晚上9時多, 本人知道所有既計劃都係徒然..........事源家人六號,是一個極欠責任感及極度缺乏自理能力的智商正常成人, 而家人六號亦一直知道自己於15號需要處理一件極度重要既事, 由於這件需要一定既文件, 家人三號亦替家人六號完成了大部份,並已叮囑家人六號要自行檢查及補填一些資料....
其實這星期家人一, 二號都不斷問起本人, 究竟家人六號攪掂未?(關我咩事
)到14/6晚, 本人及老公又如常往老媽子家吃飯, 本人再取出文件一看, 依然係原封不動!!唯有等家人六號九時多回家再算, 幸好老公既協助之下, 嚮11時許完成文件, 但家人六號必須回大陸再取一些文件回港,以作今日早上九時之用!(冇錯, 已是晚上11時)
本著「一家人」既信念!本人都知道自己15號必須陪家人六號走一趟!而家人二號亦細聲地同本人說, 你明天放假,陪他走一趟啦!ok!一家人ma!約定了家人六號, 早上7時半到巴士站等...7時25分家人二號 已致電我,家人六號已抵達巴士站....
冒著滂沱大雨由新界東出發, 一小時十五分鐘後抵達港島東, 到達目的地後,好彩有熟人再那處辦事, 並告知由於家人六號已附$買了服務, 故此這天他們會替家人六號攪掂,熟人還說我們可不用到來??下, 唔好玩啦!
本人仍有點存疑??這時家人六號竟說, 係呀!曾有服務處的人致電他, 說收到信後, 跟著信的指示做就可以, 其他野他們會攪掂!本人再問詳情...家人六號竟說: 「唉呀, 唔知啊, 服務處的人致電他時, 環境很嘈....不過係呀,可以唔駛黎架」
本人eq很高, 並沒有發怒, 亦由於事件十分重要, 本人不太相信家人六號, 亦走到辦事處問過究竟?答案是:我們不需要來!!
當然我們亦打道回府啦!其間本人不斷致電家人三號及四號, 告知詳情!兩人都不約而同問家人六號有冇發脾氣?真好笑, 唔係應該問下本人有冇嬲, 有冇發脾氣呀!?
講真, 我沒有太大感受, 沒有嬲, 亦沒有發脾四, 只係早起, 浪費了一天only!只係好想知道究竟家人六號是什麼構造? 為何可以如此毫無責任感?!如此冇交帶呢?
家人六號知道今天的事對他來說, 是十分十分重要!但為何可以如此不關心, 咁唔著緊?要家人一而再, 再而三咁幫佢!唉.......係邊個既錯?
只可以講, 我唔希望亞仔變成咁, 而我亦相信嚮本人同老公既教育下,亞仔未必會有什麼成就, 但絕對會是一個負責任, 有責任感, 有交帶既人, 對得起自己的人!
